Haqeeqat ki Talaash

Author: పద్మ విభూషణ్’ మౌలానా వహీదుద్దీన్ ఖాన్
ఖుర్ఆన్ ప్రత్యేకతేమిటంటే అది దాదాపు వేయిన్నర సంవత్సరాలుగా భూమిపై ఉంది. ఈ పదిహేను వందల సంవత్సరాల కాలంలో ఎన్నో విప్లవాలు వచ్చాయి. చరిత్రలో ఎన్నో సంఘటనలు జరిగాయి. కాలం ఎన్నో మలుపులు తిరిగింది. అయినా నేటి వరకూ దాని ఏ ఒక్క మాటా అసత్యమని రుజువు కాలేదు. అది ప్రతికాలంలో బుద్ధివివేచనలకు, సాంస్కృతిక అవసరాలకు ఎడతెగని సహకారం అందజేస్తూ పోయింది. దీని బోధనల్లోని సార్వజనీనత ఎక్కడా అంతం కాలేదు. అది ప్రతికాలపు సమస్యలకు చక్కని పరిష్కారం చూపుతుంది. ఇంతవరకూ ఏ మానవ గ్రంథానికీ లభ్యంకాని ప్రత్యేకత ఈ మహోన్నత గ్రంథానికి లభ్యమై ంది. మానవ విరచితమైన ప్రతి తత్వశాస్త్రం కేవలం కొన్ని దినాల్లోనే తన తప్పి దాన్ని బహిర్గతపరుచుకుంటుంది. కాని శతాబ్దాలపై శతాబ్దాలు గడిచిపోయిన ప్పటికీ ఈ గ్రంథం (ఖుర్ఆన్) నిజాయితీలో రవ్వంత తేడా కూడా గోచరి ంచలేదు. ఖుర్ఆన్ ప్రారంభంలో ఏదైతే చెప్పిందో, నేటి వరకూ దాని సత్యతలో ఎటువంటి వ్యత్యాసం రాలేదు. అది మొదట్లో ఏ విధంగా యదార్థమో, నేడు కూడా అలాగే అది యదార్థం. ఖుర్ఆన్ ఈ ప్రత్యేకత వల్ల మనకు అర్థమయ్యే దేమిటంటే భూత, భవిష్యత్తు కాలాలకు సంబంధించిన సకల జ్ఞాన పరిధుల్ని పరివేష్టించి ఉన్న ఓ మేధ నుండి ఇది ఉనికిలోకి వచ్చింది. దీని శాశ్వత స్థిరత్వమే ఇది దైవవాణి అనటానికి ప్రత్యక్ష నిదర్శనం.